Showing posts with label వర్డుప్రెస్సు. Show all posts
Showing posts with label వర్డుప్రెస్సు. Show all posts
సొంత వర్డుప్రెస్స్ సైటు లో థీమ్, ప్లగిన్లు పెట్టుకోవడం
04 November 2009Posted by
INDUSTAN
0 Comments
సొంత సైటు నిర్మాణానికి రాస్తున్న టపాలలో నాల్గవది.
మన "సొంతంగా ఒక సైట్ నిర్మించుకోవడం" అనే అంశంలో మూడు పోస్టులు చూశాము - సొంత సైట్ కావాలనుకుంటే ఏం చేయాలి?, సొంత సైట్ లో వర్డుప్రెస్సు ఇన్స్టాల్ చేస్కోవడం ఎలా?,బ్లాగు, సైటుల గురించి వివరణ, ఉచితబ్లాగు నిర్వహణ. ఇప్పుడు వర్డుప్రెస్సు తో నిర్మించుకున్న సైట్ ని కొత్త అలంకారాలతో, ప్లగిన్లతో ఎలా మార్చుకోవచ్చో చూద్దాం.
౧. థీమ్ లు/అలంకారాలు
అసలు అలంకారం అంటే ఏమిటి? ఒక్క మాటలో చెప్పాలంటే మన వేస్కునే బట్టలు లాంటివే ఈ అలంకారాలు. పంచె, సూట్, లంగోటా ఇలా రకరకాలుగా ఉన్న బట్టల్లో మనం రకరకాలుగా కనబడ్డట్టే, ఒక్కొక్క అలంకారానికి సైట్ కి ఒక్కో రూపం వస్తుంది, ఉదాహరణకి వంటల బ్లాగో, కామర్స్ బ్లాగో మొదలెడితే, వాటికి తగ్గ బొమ్మలు, డిజైన్ ఉన్న అలంకారం ఎంచుకోవాలి. ఇప్పుడు అలాంటి అలమ్కారాల్ని ఎక్కడ పట్టాలో, పట్టి మన సైట్ లో ఎలా పెట్టాలో చూద్దాం.
- ఈ లంకెకు వెళ్లి, కావాల్సిన విషయానికి తగ్గ అలంకారాన్ని ఎంచుకోండి. అది దింపుకుని ఆ వచ్చిన జిప్ ఫైల్ ని ఎక్కడైనా విప్పండి(అన్జిప్ చేయమని).
- అలా విప్పగా వచ్చిన ఫోల్డర్ ని మీరు వర్డుప్రెస్సు సైట్ ఎక్కడైతే ఇన్స్టాల్ చేసారో, అక్కడ wp-content అనే ఫోల్డర్ లో themes అనే ఫోల్డర్ ఉంటుంది. అందులో పెట్టండి.
- ఇప్పుడు మీ వర్డుప్రెస్సు డాష్ బోర్డు(అడ్మిన్ పానెల్) కి వెళ్ళండి. అక్కడ పక్కపట్టీ లో కనిపించు/Appearence లో అలంకారాలు/Themes అని ఉంటుంది. అది నొక్కితే, మీరు ఇందాక పెట్టిన అలంకారం అక్కడ కనిపిస్తుంది. ఆ అలంకారాన్ని Activate చేస్తే మీ సైట్ రూపు ఆ అలంకారానికి మారిపోతుంది.
- ఆ అలంకారం లో అన్నీ నచ్చి, ఒకటీ రెండు చోట్ల మార్పూ కావాలి అనుకుంటే మీకు CSS పరిజ్ఞానం కావాలి (టెక్ సేతు లో దాని పై కూడా పాఠ్యాంశాలు వస్తాయి). మీకు కొద్దో కొప్పో తెలుసనే అనుకుంటే ఆ అలంకారానికి సంబందించిన సమాచారం అంతా మీరు ఇందాక themes ఫోల్డర్ లో పెట్టిన ఆ అలంకారం ఫోల్డర్ లోనే ఉంటాయి. చాలా వరకు ఆ అలంకారం కూర్పులు, చేర్పులు style.css ఫైల్ లోనే నిక్షిప్తమయ్యి ఉంటాయి.
౨. ప్లగిన్లు/పొడిగింతలు
అలంకారం హంగుకి, ఆర్భాటానికి ఐతే పొడిగింతలు సైట్ పనితనానికి, అంటే మీరు రూపు రేఖల్లో కాకుండా సైట్ లో కొత్తగా ఎమన్నా చేర్చాలనుకుంటే ఆ పని చేసేవే పొడిగింతలు. ఉదాహరణకి మీ సైట్ ని శోధన యంత్రాల్లో బాగా కనిపించేలా చేయాలన్నా, మీరు రాసినా టపాల్లో కొన్ని నియమాల్ని అనుసరించి కొన్ని పోస్టులనే ఎంచి అవి పాఠకులకి చుపించాలన్నా, అసలు ఇఅంటి పనులు ఏం చేయాలన్నా మనకు పొడిగింతలు అవసరం. అవి ఎక్కడ సంపాదించి ఎలా ఉపయోగించాలో చూద్దాం.
- ఈ లంకెకు వెళ్లి, మీకు కావాల్సిన పనికి సంబందించిన పదాలతో వెతికితే కొన్ని ఫలితాలొస్తాయి. అందులోంచి మీకు నచ్చినది ఎంచుకుని దించుకోండి.
- ఆ దించిన జిప్ ఫైల్ ని విప్పి మీరు వర్డుప్రెస్సు ఇన్స్టాల్ చేసిన చోట, wp-content అనే ఫోల్డర్ లో plugins ఫోల్డర్ ఉంటుంది. అందులో పెట్టండి.
- ఇప్పుడు మీ వర్డుప్రెస్సు డాష్ బోర్డు కి వెళ్లి, పక్కపట్టీలో Plugins అని ఉంటుంది. అది నొక్కితే ఇందాక మీరు పెట్టిన ఆ పొడిగింతని చూపిస్తుంది. దాన్ని Activate చేస్తే ఇంకా వాడుకోవచ్చు. పొడిగింత ఎలా వాడుకోవాలో మీరు అది దించుకున్న పేజీలోనే ఉంటుంది.
ఒకవేళ మీకు కావాల్సిన పొడిగింత దొరకకపోతే, మీరే అది తాయారు చేసుకోవచ్చు. కాకపోతే దానికి PHP పరిజ్ఞానం అవసరం అవుతుంది (టెక్ సేతు లో భవిష్యత్ లో వీటి మీద కూడా పాఠ్యాంశాలుంటాయి). తర్వాతి టపాలో, ప్రతి సైట్ కి కావాల్సిన ముఖ్యమైన పొడిగింతల జాబితా చూసి అవి ఎందుకు ఉపయోగపడతాయో చూద్దాం. దృపాల్ లో సైట్ నిర్మాణం కూడా మొదలుపెడదాం.
టపాని ఈ క్రింది నెట్వర్కుల ద్వారా పంచుకోండి
సొంత సైట్ లో వర్డుప్రెస్సు ఇన్స్టాల్ చేస్కోవడం ఎలా
Posted by
INDUSTAN
గమనిక: ఈ క్రింది సూచనలు వర్డుప్రెస్సు సైట్ లో ఇంగ్లీష్ లో ఉన్న సూచనలకు అనువాదాలు.
హోస్టింగ్/ఆవాసం తీస్కున్నప్పుడు వారు మీకు సర్వర్ కి కన్నెక్ట్ అవ్వడానికి ftp/ssh వినియోగదారునామము(username), సంకేతపదము(password) ఇస్తారు. వర్డుప్రెస్సు మీ సర్వర్ పై ఇన్స్టాల్ చేయడం చాల సులువైన, 5 నిమిషాల పని! ఈ క్రింది సూచనల్ని పాటిస్తే చాలు!
- ఇక్కడ నుంచి వర్డుప్రెస్సు ప్యాకేజీ ని డౌన్లోడ్ చేస్కుని, దాన్ని unzip చేయండి.
- మీ హోస్టింగ్/ఆవాస సర్వర్ లో ఒక డేటాబేసు సృష్టించుకోండి. ఒకవేళ ఆ డేటాబేసు కి వినియోగదారుడు ఇంతకు మునుపే లేకపోయుంటే, ఆ డేటాబేసు మీద సర్వ హక్కులు ఉండేలా ఒక వినియోగదారుని కూడా సృష్టించండి.
- మీరు unzip చేసిన ఫోల్డర్ కి వెళ్లి wp-config-sample.php అనే ఫైల్ పేరుని wp-config.php గా మార్చండి
- wp-config.php ఫైల్ ని తెరిచి ఆ డేటాబేసు వివరాలు పూరించండి. మైక్రోసాఫ్ట్ వర్డ్ తో మాత్రం తెరవవద్దు. ఏ నోట్పాడో(notepad) ఐతే మంచిది. డేటాబేసు వివరాలు ఎలా పూరించాలో ఆ ఫైల్ తెరిచి చూస్తే మీకే అర్థమయిపోతుంది. దానిలో Database Username, Password etc.. అని రాసి ఉంటుంది. అవి చూసుకుని ఎక్కడ ఏ వివరం రాయాలో అది రాసేయ్యాలి.
- ఇప్పుడు ssh/ftp ద్వారా ఈ ఫోల్డర్ లో ఉన్నవన్నీ(ఆ ఫోల్డర్ మటుకు కాదు సుమా, అందులో ఉన్నవి మాత్రమే!) మీ హోస్టింగ్/ఆవాస సర్వర్ లో పెట్టాలి. సర్వర్ లో సరైన జాగాలో పెట్టడం ముఖ్యం. ఒకవేళ తెలియకపోతే ఎవరినైనా అడిగి చేయండి. లేదా ఇక్కడే మీ సందేహం ఏంటో తెలపండి. సాదారణంగా తలెత్తే కొన్ని సందర్భాలు ఇవీ,
- ఇక చివరి ఘట్టం! వర్డుప్రెస్సు ఇన్స్టాల్ చేయడానికి http://site.com/wp-admin/
install.php కి వెళ్ళాలి. ఇక్కడ site.com బదులు మీ సైట్ పేరు ఇవ్వండి. ఇది వర్డుప్రెస్సు సరాసరి వెబ్సైటు రూట్ ఫోల్డర్ లో ఇన్స్టాల్ చేస్కునే వారికి. ఒకవేళ మీరు వేరే చోట పెట్టి ఉంటే అందుకు అనుగుణంగా ఆ URL మార్చుకోవాలి. ఉదాహరణకి blog అనే ఫోల్డర్ లో గనక ఇన్స్టాల్ చేస్కుని ఉంటే, http://site.com/blog/wp-admin/ install.php కి వెళ్ళాలి.
వర్డుప్రెస్సు తో ప్రాధమికంగా ఏమేమి చేయొచ్చో ఇక్కడ రాశాను. ఒకసారి అది చూడండి. వచ్చే టపాలో వర్డుప్రెస్సు లో కొత్త పొడిగింతలు/ప్లగిన్లు, అలంకారాలు/థీమ్స్ ఎలా పెట్టాలో తెలుసుకుని, పలురకాల సైట్లకి వర్డుప్రెస్సుని ఏ విధంగా మార్చుకోవొచ్చో కూడా చూద్దాం.
టపాని ఈ క్రింది నెట్వర్కుల ద్వారా పంచుకోండి
Subscribe to:
Posts (Atom)
